COVID - 19
15-08-2020 16:18

პაატა იმნაძე - ქობულეთში კორონავირუსი კაფე „ჰავანაში" მომუშავეს დაუდასტურდა - 9-11 აგვისტოს ვინც ამ კაფეში იყო, თუ სიმპტომები გამოუვლინდებათ, „ცხელების ცენტრებს“ უნდა მიმართონ

პაატა იმნაძე - ქობულეთში კორონავირუსი კაფე „ჰავანაში" მომუშავეს დაუდასტურდა - 9-11 აგვისტოს ვინც  ამ კაფეში იყო, თუ სიმპტომები გამოუვლინდებათ, „ცხელების ცენტრებს“ უნდა მიმართონ

ქობულეთში კორონავირუსის ერთი შემთხვევა გამოვლინდა. ვირუსი ერთ-ერთ კაფეში მომუშავე ქალს დაუდასტურდა. ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ ბრიფინგზე განაცხადა.

„ქობულეთში გამოვლინდა შემთხვევა. ქალი ჩასულია თბილისიდან სამუშაოდ ქობულეთში. არის ასეთი კაფე „ჰავანა“ და ამ ბუნგალოში მომუშავე პერსონალი, ვინც კონტაქტში იყო ამ თანამშრომელთან, მოკვლეულია და მათ გამოიკვლევენ. მაგრამ 9, 10 და 11 აგვისტოს ვინც იყო ვიზიტორი ამ კაფის, მინდა რომ ისინიც გავაფრთხილო, ფრთხილად იყვნენ და თუ ოდნავ მაინც სიმპტომები გამოუვლინდებათ, მიმართონ „ცხელების ცენტრებს“,- განაცხადა იმნაძემ.

როგორც იმნაძე აღნიშნავს, გუშინ ქვეყნის მასშტაბით კორონავირუსის 6 ათასამდე ტესტი ჩატარდა და სულ ბოლო მონაცემებით, საქართველოში 300 ათასზე მეტი პისიარ ტესტია გაკეთებული.

წყარო : ipn.ge

კომენტარები
        მსგავსი სიახლეები