COVID - 19
19-08-2020 15:20

200-ლარიანი დახმარების მისაღებად რეგისტრაციის გავლა მუნიციპალიტეტის 11-ვე სერვისცენტრშია შესაძლებელი

200-ლარიანი დახმარების მისაღებად რეგისტრაციის გავლა მუნიციპალიტეტის 11-ვე სერვისცენტრშია შესაძლებელი

18 წლამდე ასაკის მოქალაქეებს, რომელთაც 200-ლარიანი დახმარება უნდა მიიღონ, რეგისტრაციის გავლა მუნიციპალიტეტის 11-ვე სერვისცენტრში შეუძლიათ, - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

მისივე თქმით, მერია უკვე 17 აგვისტოდან ეხმარება იმ მოქალაქეებს, ვისაც სურვილი აქვს, დახმარების მისაღებად რეგისტრაცია გაიარონ.

„როგორც მოგეხსენებათ, პრემიერ-მინისტრის გადაწყვეტილებით, საქართველოს 18 წლამდე ასაკის მოქალაქეები სახელმწიფოსგან 200 ლარის ოდენობით, ერთჯერად ფინანსურ დახმარებას მიიღებენ. ამისთვის საჭიროა, დაინტერესებულმა პირებმა რეგისტრაცია სპეციალურ ვებგვერდზე, სააპლიკიაციო ფორმის მეშვეობით გაიარონ.

გარდა ამისა, მოქალაქეებს რეგისტრაციის გავლა, მუნიციპალიტეტის 11-ვე სერვისცენტრში შეუძლიათ. აღნიშნულ პროცესში მათ უკვე 17 აგვისტოდან ვეხმარებით. იმ მოქალაქეებს, ვისაც სურვილი აქვთ, რომ დახმარების მიღებისთვის რეგისტრაცია გაიარონ და ამას გარკვეული მიზეზების გამო ვერ ახერხებენ, შეუძლიათ, თბილისის მუნიციპალიტეტის მოქალაქეთა მომსახურების სერვისცენტრებს მიმართონ და ჩვენი თანამშრომლები მათ რეგისტრაციაში დაეხმარებიან. ყოველი შემთხვევისთვის, თან იქონიეთ ბავშვის დაბადების მოწმობა, იმისთვის, რომ რეგისტრაციის გავლა შეუფერხებლად შეძლოთ“, - განაცხადა კახა კალაძემ.

წყარო: imedinews.ge

კომენტარები
        მსგავსი სიახლეები