COVID - 19
22-08-2020 19:44

სტიქიამ კახეთის ორი მუნიციპალიტეტი დააზარალა

სტიქიამ კახეთის ორი მუნიციპალიტეტი დააზარალა

სტიქიამ კახეთის ორი მუნიციპალიტეტი დააზარალა. საგარეჯოს მუნიციპალიტეტის სამ სოფელში სტიქიის შედეგებს დილიდან ითვლიან.

გუშინ მოსულმა სეტყვამ და უხვმა ნალექმა საკარმიდამო ნაკვეთები, შიდა საურბნო გზები და ერთწლიანი კულტურები დააზიანა. სტიქიის ზონაში იმყოფებოდა მუნიციპალიტეტის მერი, გიორგი ერბოწონაშვილი, რომელიც ვითარებას ადგილზე გაეცნო.

,,ვენახებისა და ყურძნის მოსავლის დაზიანების შესახებ ინფორმაცია ჯერჯერობით არ გაქვს. მერიის ყველა შესაბამისი სამსახური დილიდან მუშაობს და ზარალის ზუსტი ოდენობა მოგვიანებით გვეცოდინება“, - განაცხადა საგარეჯოს მერმა.

სტიქიამ პრობლემები შექმნა ელექტრომომარაგების მხრივაც, დაზიანდა მაღალი ძაბვის ელექტროგადამცემი სადენები, რის გამოც ელექტროენერგიის გარეშე ოთხი ათასამდე აბონენტი დარჩა. „ენერგო-პრო-ჯორჯიაში“ აცხადებენ, რომ კომპანიის შესაბამისი სამსახურები დაზიანების ადგილებს უკვე სწავლობენ და მიმდინარეობს აღდგენითი სამუშაოები.

თითქმის ანალოგიური მდგომარეობაა ლაგოდეხის მუნიციპალიტეტში. არსებული ინფორმაციით, ინტენსიური წვიმის შედეგად 10-მდე საცხოვრებელი სახლის პირველი სართული დაიტბორა.

წყარო: imeninews.ge

კომენტარები
        მსგავსი სიახლეები