COVID - 19
26-11-2019 16:49

ირმა ინაშვილი -არჩილ თალაკვაძე შეცდომაშია შეყვანილი, „პატრიოტთა ალიანსს“ რეზოლუციის გადადების მოთხოვნით არავისთვის მიუმართავს [იხ. ვიდეო]

ირმა ინაშვილი -არჩილ თალაკვაძე შეცდომაშია შეყვანილი, „პატრიოტთა ალიანსს“ რეზოლუციის გადადების მოთხოვნით არავისთვის მიუმართავს [იხ. ვიდეო]

„პატრიოტთა ალიანსს“ რეზოლუციაზე, რომელიც მიზანდ სააკაშვილ-ბოკერიას რეჟიმის სამართლებრივ-პოლიტიკურ შეფასებას ისახავს, მსჯელობის გადადება არ მოუთხოვია - ასე უპასუხეს პარტიაში პარლამენტის თავმჯდომარის მიერ, ბიუროს სხდომაზე გაკეთებულ განცხადებას. როგორც არჩილ თალაკვაძემ გამოაცხადა, განხილვის გადავადება პარტიამ სამი თვით ითხოვა. საკანონმდებლო ორგანოში გაჟღერებულ ინიციატივაზე ვიცე-სპიკერმა ირმა ინაშილმა ისაუბრა.



როგორც „პატრიოტთა ალიანსის“ გენერალური მდივანი ამბობს, პარლამენტის თავმჯდომარე შეცდომაშია შეყვანილი, რადგან პარტიას რეზოლუციის გადადების მოთხოვნით არავისთვის მიუმართავს, პირიქით, უმრავლესობას რეზოლუციის დროული კენჭისყრისკენ მოუწოდებს. ირმა ინაშვილის ინფორმაციით, მათთან შეუთანხმებლად დოკუმენტზე მსჯელობის გადატანის ინიციატორი იურიდიული კომიტეტი იყო.



„პატრიოტთა ალიანსში მიაჩნიათ, რომ დამნაშავეების დასჯის გარეშე დემოკრატია და სტაბილურობა ვერ მიიღწევა. ირმა ინაშვილმა მთავარი პროკურორის ყოფილი მოადგილის ინტერვიუც გაიხსენა, რომელშიც ნაცვლიშვილი ირწმუნება, რომ წინა რეჟიმის მთავარი ფიგურანტების მიმართ, სისხლის სამართლის საქმეები არსებობს. ვიცე-სპიკერი შესაბამის ორგანოებს დამნაშავეების დასჯისკენ მოუწოდებს.
წყარო - obieqtivi.info

კომენტარები
        მსგავსი სიახლეები