COVID - 19
26-08-2020 10:24

მარინა ეზუგბაია: კორონავირუსით რეინფიცირება ყოველთვის მსუბუქად მიმდინარეობს

მარინა ეზუგბაია: კორონავირუსით რეინფიცირება ყოველთვის მსუბუქად მიმდინარეობს

ინფექციური პროცესის კანონია, რომ ერთხელ გადატანილი დაავადების განმეორებითი ინფიცირება, გარკვეულწილად უფრო მსუბუქად მიმდინარეობს, იმიტომ, რომ ორგანიზმს მაინც აქვს გამანეიტრალებელი ანტისხეულები, რომელიც არ არის საკმარისი იმუნიტეტისთვის, მაგრამ დაავადებისთვის, ბრძოლისთვის ორგანიზმი ამას იყენებს. რეინფიცირება ყოველთვის უფრო მსუბუქად მიმდინარეობს, - ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ ჟურნალისტებს განუცხადა.

მან ასევე აღნიშნა, რომ რეინფიცირებულ პაციენტთან დაავადება თითქმის უსიმპტომოდ მიმდინარეობდა.

„რეინფიცირების შემთხვევის დროს დაავადება იყო თითქმის უსიმპტომო. ჩვენ ვიცით, რომ ამ დროისთვის არ არის ცნობილი იმუნიტეტის ხანგრძლივობა, მისი ხარისხი. შესაძლებელია მოხდეს, რომ არ ჩამოყალიბდეს იმუნიტეტი, მაგრამ ეს იქნება ძალიან ერთეულ შემთხვევებში და ამ ეტაპზე ერთეულ შემთხვევებზე ლაპარაკი ნაადრევია“, - განაცხადა მარიან ეზუგბაია.

ამ დროისთვის საქართველოში კორონავირუსის 1 429 შემთხვევაა დადასტურებული. განკურნებულთა რაოდენობა კი 1 150-ს შეადგენს.

უცხოეთიდან სამკურნალოდ გადმოყვანილია საქართველოს 41 მოქალაქე. კორონავირუსის შედეგად, ქვეყანაში 19 პაციენტი გარდაიცვალა.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

წყარო: imedinews.ge

კომენტარები
        მსგავსი სიახლეები