COVID - 19
05-09-2020 00:03

გიორგი ლომია - ეს ხალხი არა მხოლოდ არ უნდა იღებდეს არჩევნებში მონაწილეობას, არამედ იმ დანაშაულებებისთვის, რაც მათ ჩადენილი აქვთ, ციხეში უნდა იჯდნენ!

გიორგი ლომია - ეს ხალხი არა მხოლოდ არ უნდა იღებდეს არჩევნებში მონაწილეობას, არამედ იმ დანაშაულებებისთვის, რაც მათ ჩადენილი აქვთ, ციხეში უნდა იჯდნენ!

გიორგი ლომია - ეს ხალხი არა მხოლოდ არ უნდა იღებდეს არჩევნებში მონაწილეობას, არამედ იმ დანაშაულებებისთვის, რაც მათ ჩადენილი აქვთ, ციხეში უნდა იჯდნენ!

ფრაქცია "პატრიოტთა ალიანსი და სოციალ-დემოკრატების" თავმჯდომარე გიორგი ლომია "პატრიოტთა ალიანსის" მიერ გენერალურ პროკურატურაში "დანაშაულებრივი რეჟიმის ორგანიზატორების" წინააღმდეგ შეტანილ განცხადებაზე საუბრობს. ლომიას თქმით, "პატრიოტები" პროკურატურას არა მხოლოდ სააკაშვილ-ბოკერიას დანაშაულებრივი რეჟიმის გამოძიება, არამედ ამ პარტიების არჩევნების პროცესიდან მოხსნა მოსთხოვეს. "პატრიოტების" ფრაქციის თავმჯდომარე იმასაც აღნიშნავს, რომ ისინი სარჩელის შეტანას და სააკაშვილ-ბოკერიას პარტიის როგორც კრიმინალური დაჯგუფების გაუქმებას საკონსტიტუციო სასამართლოშიც მოითხოვენ. მისივე განცხადებით, სააკაშვილის რეჟიმმა ქართველ ხალხს გენოციდი მოუწყო და ძალიან ბევრი იმ გენოციდისა და რეჟიმის მონაწილე დღეს პარლამენტში ან იმ გაერთიანებაშია, რომელიც საარჩევნო პროცესში იღებს მონაწილეობას. გიორგი ლომიამ ყურადღება "ქართული ოცნებისა" და "ნაციონალური მოძრაობის" კოჰაბიტაციაზეც გაამახვილა და აღნიშნა, რომ მმართველ გუნდს ეს ძალა სჭირდება, როგორც გარკვეული ფონი, რადგან ამ ფონზე "ქართულ ოცნებას" უფრო მეტი რეიტინგი აქვს, ვიდრე "ნაციონალურ მოძრაობას". "ეს ხალხი არა მხოლოდ არ უნდა იღებდეს არჩევნებში მონაწილეობას, არამედ იმ დანაშაულებებისთვის, რაც მათ ჩადენილი აქვთ, ციხეში უნდა იჯდნენ" - განაცხადა ლომიამ.


კომენტარები
        მსგავსი სიახლეები