COVID - 19
07-09-2020 12:36

მარინა ეზუგბაიამ 34 ახალი კოვიდინფიცირებულის წყაროები დაასახელა

მარინა ეზუგბაიამ 34 ახალი კოვიდინფიცირებულის წყაროები დაასახელა

კორონავირუსით ინფიცირებული 34 ახალი პაციენტიდან, 6 „დონას“ კლასტერს განეკუთვნება, 15 პაციენტის ინფიციერების წყარო, დადასტურებულ შემთხვევასთან კონტაქტია, 8 პაციენტს აჭარაში მოგზაურობის ისტორია აქვს, ერთი სამედიცინო პერსონალია, ორი შემოტანილი შემთხვევაა და ორზე გრძელდება ეპიდემიოლოგიური კვლევა კონტაქტებისა და წყაროს დადგენის მიზნით, - ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ ჟურნალისტებს განუცხადა.

მისი თქმით, გამოჯანმრთელებული პაციენტების რაოდენობა მხოლოდ ხუთით გაიზარდა და სულ 1315 პირია გამოჯანმრთელებული.

„ამ ეტაპზე კოვიდცენტრებში მკურნალობს 342 კოვიდინფიცირებული პაციენტი, მათ შორის სამი კრიტიკულად მძიმე, ხოლო 16 მძიმე პაციენტია“, - განაცხადა მარინა ეზუგბაიამ.

​ამ დროისთვის საქართველოში კორონავირუსის 1684 შემთხვევაა დადასტურებული. განკურნებულთა რაოდენობა კი 1315-ს შეადგენს. კარანტინის რეჟიმში იმყოფება 6020 მოქალაქე, ხოლო სტაციონარში მეთვალყურეობის ქვეშ - 299. უცხოეთიდან სამკურნალოდ გადმოყვანილია საქართველოს 41 მოქალაქე. კორონავირუსის შედეგად, ქვეყანაში 19 პაციენტი გარდაიცვალა.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

წყარო: imedinews.ge

კომენტარები
        მსგავსი სიახლეები