COVID - 19
07-09-2020 16:48

გიორგი ლომია - "ხატი აუცილებლად დაბრუნდება ილორის მონასტერში და მასთან ერთად დაბრუნდებიან დევნილები, მანამდე კი, დევნილობაში იქნება!"

გიორგი ლომია - "ხატი აუცილებლად დაბრუნდება ილორის მონასტერში და მასთან ერთად დაბრუნდებიან დევნილები, მანამდე კი, დევნილობაში იქნება!"

გიორგი ლომია - "ხატი აუცილებლად დაბრუნდება ილორის მონასტერში და მასთან ერთად დაბრუნდებიან დევნილები, მანამდე კი, დევნილობაში იქნება!"

ფრაქცია "პატრიოტთა ალიანსი და სოციალ-დემოკრატების" თავმჯდომარე გიორგი ლომია ენგურის ხიდთან ილორის ღვთისმშობლის ხატის გადმოტანას ეხმაურება. ლომიას განცხადებით, ეს იმ ადამიანების მიერაა გაკეთებული, რომლებსაც ქართველებსა და აფხაზებს შორის ურთიერთობის აღდგენა არ სურთ. მისივე თქმით, ხატი აუცილებლად დაბრუნდება ილორის მონასტერში და მასთან ერთად დაბრუნდებიან დევნილები, მანამდე კი, დევნილობაში იქნება.

"ხატი უკვე სამი დღეა გამყოფ ხაზთან იმყოფება. ერთადერთი, რაც შეგვიძლია ვთქვათ, არის ის, რომ, თუ ხატი იქნება დაბრუნებული, ეს ხატი დევნილობაში იქნება და აუცილებლად ოდესმე დაბრუნდება ილორის მონასტერში. ეს არ იყო ფარული ვიზიტი, ჩვენ ამაზე არაერთხელ გვისაუბრია, ეს ვიზიტი არ იყო შესრულებული პოლიტიკური მიზნით. ეს იყო ჰუმანიტარული, რელიგიური აქცია. ჩვენ გვსურდა ჩაგვეტანა ხატი ილორის მონასტერში, რაც გავაკეთეთ და ეს უნდა დარჩენილიყო გაუხმაურებელ ფაქტად, რაც არ მოხდა. ჩვენი მიზანი არ არის, რომ რელიგიურ თემაზე პიარი ავაგოთ, მაგრამ ეს ამბავი ძალიან ცუდად გახმაურდა. მუდმივად მიდის მცდელობა დააკნინონ ის სიკეთე, რომელსაც ადამიანი აკეთებს, ეს უკვე ჩვევად იქცა საქართველოში და არც უნდა გაგვიკვირდეს. ისეთი დაჯგუფებები, როგორებიც არიან "ნაცმოძრაობა" და "ევრო ნაცები", არიან აფხაზეთშიც, რუსეთშიც და სხვაგანაც. მათ არ სურთ არანაირი სიკეთე, მათ სერიოზული ბრალდება წაუყენეს ასლან ბჟანიას და სხვა ადამიანებს იმის გამო, რომ ხატი აღმოჩნდა ილორის ტაძარში. თუმცა, თუ ჩვენ დავაკვირდებით სასულიერო პირების პოზიციას, ათონის არქიმანდრიტი ამბობს, რომ არავის არ ჰქონდა უფლება ხატი გაეტანა ეკლესიიდან. ეს არის გაკეთებული იმ ადამიანების მიერ, რომლებსაც არ სურთ ურთიერთობა აღდგეს ქართველებსა და აფხაზებს შორის. როდესაც ლაგდება ურთიერთობა ჩვენი პარტიის მიერ, მაგრამ არა ხელისუფლების მიერ, ხელისუფლება ყველაფერს გააკეთებს იმისათვის, რომ ეს ურთიერთობა არ შედგეს. სუს-ის სხვადასხვა რანგის თანამშრომელი ჩართული იყო აფხაზეთის მხარესთან კომუნიკაციაში. ამაზე ჩვენ ინფორმაცია გვაქვს და მათ მიერ არის არეულობა გამოწვეული, რაც არის უდაო ფაქტი" - განაცხადა ფრაქცია "პატრიოტთა ალიანსი და სოციალ-დემოკრატების" თავმჯდომარე გიორგი ლომიამ.



კომენტარები
        მსგავსი სიახლეები