COVID - 19
09-12-2019 19:28

ჯამბულ გამცემლიძე: არ გრცხვენია, გუბაზ, რა მიგიყვანა ჩემი შვილის მკვლელთან?!

ჯამბულ გამცემლიძე: არ გრცხვენია, გუბაზ, რა მიგიყვანა ჩემი შვილის მკვლელთან?!

„სააკაშვილის რეჟიმმა სანთელივით სუფთა შვილი რომ ჩამიწვინა მიწაში, უკვე დაგავიწყდა?“,- სააკაშვილის რეჟიმის მიერ მოკლული გიორგი გამცემლიძის მამა ჯამბულ გამცემლიძე გაზეთ „ასავალ-დასავალთან“ ინტერვიუში გუბაზ სანიკიძეს მიმართავს.



„ერთი კარგი რამ მოხდა, ამ მოვლენებმა ბევრს ჩამოხსნა ნიღაბი. გუბაზ სანიკიძეც და ვალერი გელბახიანიც, დღეს რომ სააკაშვილის გვერდით წამოსკუპდნენ, თურმე, თავიდანვე მიშას ხალხი ყოფილა, თანაც ოპოზიციაში ჩანერგილი.



ბევრი იარეს თუ ცოტა, ბოლოს მაინც თავის პატრონთან მივიდნენ და დღეს მიშასთან ერთად აღმოჩნდნენ პოლიტიკურ სანაგვეზე.



გუბაზს ძალიან კარგად ვიცნობდი, მაგრამ ყველაზე კარგად მას იური ვაზაგაშვილი იცნობდა. მისი ორგანიზაცია იურის მიერ იყო დაფინანსებული და პატივნაცემი. არამი იყოს მასზე ის, რაც იურიმ გაუკეთა. მარტო მისი ცოდვა არ მოასვენებს და არ გაახარებს მას.



თუ ვინმე არის ამ ხელისუფლებაზე ნაწყენი, მე ვარ, ჩემი შვილის საქმე ისევ თაროზეა შემოდებული, მაგრამ ამის გამო სატანასთან როგორ დავდებ ზავს?!



მკვლელებს როგორ შევეკვრები?! არ გრცხვენია, გუბაზ, რამ მიგიყვანა ჩემი შვილის მკვლელთან? სააკაშვილის რეჟიმმა სანთელივით სუფთა შვილი რომ ჩამიწვინა მიწაში, უკვე დაგავიწყდა?



მაგრამ სირცხვილის გრძნობა რომ გქონდეს, ამას ხომ არ იკადრებდი? მაინც, რაზე ელაპარაკე მკვლელ სააკაშვილს, როგორ ხოცავდა მისი რეჟიმი ახალგაზრდებს? როგორ მოკლა გურამ შარაძე?



ძალიან კარგად ვიცნობდი ლევან სანიკიძეს. საწყალი კაცი შენი საქციელის გამო, ალბათ, საფლავში ტრიალებს“,- აღნიშნავს ჯამბულ გამცემლიძე.

[ წყარო - http://www.reportiori.ge/ ]

კომენტარები
        მსგავსი სიახლეები