COVID - 19
14-09-2020 10:53

ირმა ინაშვილი - ირკვევა, რომ არც "ქართული ოცნების" საქმე ყოფილა კარგად

ირმა ინაშვილი - ირკვევა, რომ არც "ქართული ოცნების" საქმე ყოფილა კარგად

“რა უცნაურ რეალობაში ვცხოვრობთ. ადამიანთა მწამებლები, რომლებიც არავის დაუსჯია, საარჩევნო ბანერებიდან გვიღიმიან, ქართული მიწის ჩამბარებლები ისევ რუსეთის აგენტობის თემით მანიპულიერებენ და ამ მანიპულირებაში მათ მხარს "კობახიძის შმოცნებაც" უბამს„ - წერს „პატრიოტთა ალიანსის“ გენერალური მდივანი ირმა ინაშვილი სოციალურ ქსელში.

„ახლა ირკვევა, რომ არც "ქართული ოცნების" საქმე ყოფილა კარგად: მოსკოვში უწყვეტად დაფრინავენო. თანაც, მაშინ, როცა ქვეყანაში გარდამტეხი პროცესები მიმდინარეობსო ანუ კრიზისულ ვითარებაში ინსტრუქციებს მოსკოვიდან იღებენო. აუდიტის სამსახური მოკვლევას არ იწყებს?!
რა იყო, მძიმეა ამისი მოსმენა? მძიმეა!
და "კობახიძის შმოცნება" როგორ ფიქრობს, ჩვენთვის ადვილი მოსასმენი და საყურებელი იყო, როცა ფანქრით დაწერილი ფურცელი დაიდო ინტერნეტში და ამ მარაზმს мгимо-ს კურსდამთავრებულის ტელეაჟიოტაჟი მოჰყვა, მერე "კობახიძის შმოცნება" დიდი ენთუზიაზმით რომ გამოეხმაურა ფანქრით დაწერილ ამ სიგიჟეს, სულ რუსეთუმეები რომ გვეძახა, (კობახიძემ სპეცტერმინიც კი შეთხზა- შმატრიოტები) და აუდიტის სამსახურს საგანგებო მოკვლევა რომ დააწყებინა, ეს პარანოია ჩვენთვის ადვილი მოსასმენ- საყურებელი იყო, თუ არა?
მოკლედ იმისი თქმა მსურს, რომ "კობახიძის შმოცნებამ" ჯერ გადაწყვიტა ბოკერია-ხოშტარიას აჟიოტაჟისთვის აება მხარი და რუსეთის აგენტურის იარლიყი ჩვენთვის მყარად მოეკერებინა, მაგრამ მეორე ეტაპზე, როგორც მოსალოდნელი იყო, ბოკერია-ხოშტარიას შემადგენლობამ ("კობახიძის შმოცნების" სახით) მოკავშირეები არ დაინდო და ყველა ბილეთი ამოუყარა, რაც კი მოსკოვის რეისზე ჰქონდათ შესრულებული. ჯერ სადა ხართ, კიდევ ბევრ "დოკუმენტს" ამოგიყრიან, მძაფრი მუსიკით გააფორმებენ და ჰაერიდან ისეთ დეტექტივს შექმნიან, საკუთარ თავზე თვითონ დაიწყებთ ლაპარაკს, რომ მოდულის შენობიდან ლუბიანკამდე გვირაბი გაქვთ გათხრილი.
ხადარკოვსკი-კრამერ- კუროპტევს და პედოფილ ლივშიცს ებარებოდეთ!“- წერს ირმა ინაშვილი.

კომენტარები
        მსგავსი სიახლეები