COVID - 19
17-10-2020 16:30

ინოვაციური სამშენებლო მასალა, როგორც ექსპორტის ადგილობრივი წარმოებით ჩანაცვლების პერსპექტივა

ინოვაციური სამშენებლო მასალა, როგორც ექსპორტის ადგილობრივი წარმოებით ჩანაცვლების პერსპექტივა

პირველად საქართველოში, ლევან სამხარაულის სახელობის სასამართლო ექსპერტიზის ეროვნული ბიუროს საინჟინრო ექსპერტიზის ლაბორატორიის ბაზაზე, ქართველი მეცნიერების მუშაობის შედეგად, ინოვაციური სამშენებლო მასალა შეიქმნა. როგორც ექსპერტ-გამომგონებელმა, მალხაზ ტურძელაძემ გადაცემაში „ბიზნესი იმედზე“ აღნიშნა, მაღალი სიმტკიცის და კონსტრუქციული მსუბუქი ბეტონების უნიკალურობა მდგომარეობს იმაში, რომ ქართული ნედლეულით იწარმოება. ტუფი და თიხაფიქალი, რომელიც საქართველოში უხვად მოიპოვება, მასობრივ წარმოებაში ჩართვის შემთხვევაში პროდუქტს ბევრად გააიაფებს.

„სწორედ ამ თიხაფიქლის ბაზაზე მივიღეთ დანამატი დაახლოებით, 650 გრადუსზე დამუშავების შემდეგ, რომელიც ცვლის ძვირადღირებულ, იმპორტირებულ მიკროსილიკას, რომლის საბაზრო ფასი დაახლოებით ორი ლარი, ორლარნახევარია, ხოლო ამის საბაზრო, რომ გადავიანგარიშეთ 10-15 თეთრის ფარგლებშია. ანუ იმპორტირებული თუ აძვირებს ბეტონს 60-70 ლარით ადგილობრივი დაახლოებით გააძვირებს 10-15 ლარით“, - განაცხადა ქართველმა მეცნიერმა.

მაღალი სიმტკიცის და კონსტრუქციული მსუბუქი ბეტონების შემთხვევაში მიკროსტრუქტურულ დანამატად გამოყენებულია თერმომოდიფიცირებული მინერალური დანამატი, რომელიც მიიღება ტუფის და თიხაფიქლების, პემზის 550-700 გრადუს ტემპერატურაზე მოდიფიცირებით და შემდგომი წმინდად დაფქვით. მიღებული ბეტონი გამორჩეულია მაღალი სიმტკიცით, საიმედოობით და არ არის მიდრეკილი ბზარების წარმოქმნისაკენ. ხოლო მსუბუქი კონსტრუქციული ბეტონი გამოირჩევა შემცირებული წყალშთანთქმით და ყინვამედეგობის მაღალი მაჩვენებლით. სამშენებლო ინდუსტრიის განვითარებისათვის კი დღეს ერთ-ერთ მნიშვნელოვან საკითხს ადგილობრივი ნედლეულის შექმნა წარმოადგენს.

წყარო: imedinews.ge

კომენტარები
        მსგავსი სიახლეები