COVID - 19
23-10-2020 13:53

ივანე ჩხაიძე: ცხოვრების არააქტიური წესი, რომელიც პანდემიასა და კარანტინის პერიოდს მოჰყვა, ნეგატიურად მოქმედებს ბავშვის ორგანიზმზე

ივანე ჩხაიძე: ცხოვრების არააქტიური წესი, რომელიც პანდემიასა და კარანტინის პერიოდს მოჰყვა, ნეგატიურად მოქმედებს ბავშვის ორგანიზმზე

პანდემიის გამო, გაზაფხულისა და ზაფხულის განმავლობაში ჩვენს ბავშვებს ფიზიკური აქტივობები: თამაში, მოძრაობა, ეზო, ბაღი დააკლდათ, ეს ძალიან მნიშვნელოვანი კომპონენტებია ფილტვის ჯანმრთელობისთვის, - ამის შესახებ თსსუ-ის პროფესორმა, იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ „პირველი არხის“ ეთერში განაცხადა.

„დღეისთვის ითვლება, რომ სკოლის ასაკის ბავშვისთვის მინიმუმ ნახევარი საათი ფიზიკური აქტივობა მნიშვნელოვანია იმისთვის, რომ შევინარჩუნოთ არა მარტო ფილტვის, არამედ მთლიანად ჯანმრთელობა. ცხოვრების არააქტიური წესი, რომელიც მოჰყვა პანდემიის, კარანტინის პერიოდს, ნეგატიურად მოქმედებს ბავშვის ორგანიზმზე. ოთახის პირობებში აქტივობა საკმარისი არ არის“, - აღნიშნა ივანე ჩხაიძემ.

წყარო: imedinews.ge

კომენტარები
        მსგავსი სიახლეები