COVID - 19
19-11-2020 17:26

ირმა ინაშვილი: ერთადერთი გამოსავალია, რომ ახალი არჩევნები ჩატარდეს

ირმა ინაშვილი: ერთადერთი გამოსავალია, რომ ახალი არჩევნები ჩატარდეს

კარგი იქნება, რომ შევთანხმდეთ და დაინიშნოს ხელახალი არჩევნები. ესაა ჩვენი პარტიის პოზიცია, - ამის შესახებ აშშ-ის ელჩის რეზიდენციაში ოპოზიციასა და მმართველ პარტიას შორის გამართული შეხვედრის შემდეგ „პატრიოტთა ალიანსის“ ლიდერმა, ირმა ინაშვილმა განაცხადა.

„დეტალებზე ახლა არ ვისაუბრებ, იმიტომ რომ პროცესი გრძელდება, რაც თავისთავად ძალიან მნიშვნელოვანია. კარგი იქნება, რომ შევთანხმდეთ და დაინიშნოს ხელახალი არჩევნები. ესაა ჩვენი პარტიის პოზიცია. ტელეეთერებიდან მოვისმინეთ ინიციატივა გადათვლასთან დაკავშირებით, მაგრამ ჩვენი პარტია ამას მხარს არ უჭერს. უკვე შეასწორეს, რაც შესასწორებელი ჰქონდათ. ყუთები და ბეჭდები „ქართული ოცნების“ ხელში იყო და ახლა უხეშად ჩასწორებული ოქმების გადათვლა გამოსავლად არ მიმაჩნია. ერთადერთი გამოსავალია, რომ ახალი არჩევნები ჩატარდეს“, - განაცხადა ინაშვილმა.

ამერიკის ელჩის რეზიდენციაში პირველი შეხვედრა 12 ნოემბერს გაიმართა. შეხვედრას ცხრა პარტიის ლიდერები ესწრებოდნენ, მათ შორის, პარლამენტის თავმჯდომარე არჩილ თალაკვაძე. შეხვედრაზე ასევე იმყოფებოდა საქართველოში ევროკავშირის ელჩი.

წყარო: imedinews.ge

კომენტარები
        მსგავსი სიახლეები