COVID - 19
20-12-2019 18:31

„ოპოზიციას უნდა, რომ „ოცნებამ“ არჩევნები წააგოს" - მამუკა მდინარაძე

„ოპოზიციას უნდა, რომ „ოცნებამ“ არჩევნები წააგოს" - მამუკა მდინარაძე

ფრაქცია „ქართული ოცნების“ თავმჯდომარის, მამუკა მდინარაძის თქმით, ოპოზიციას უნდა ისეთი საარჩევნო მოდელი, რომლის მიხედვითაც, მაღალი მხარდაჭერის მიუხედავად, „ქართულმა ოცნებამ“ არჩევნები უნდა წააგოს.

„ასეთი მოდელი ბუნებაში არ არსებობს. ვერაფერს ვერავის ვერ მოუწყობენ და მათი ბაქიბუქი ხედავთ რა შედეგებითაც მთავრდება. მთავარია რა ხდება სინამდვილეში. პირველი მათი წინადადება იყო, რომ კონსტიტუციასთან შეუსაბამო პროექტი მიგვეღო კანონის სახით, ეს იყო პირველი არარეალური შემოთავაზება და დაარქვეს ამას „გერმანული მოდელი“. ვერ გაარჩიეს ის, რომ პროპორციული არ უდრის შერეულ სისტემას. მეორე შემოთავაზება იყო, რომ მაჟორიტარულ ნაწილში ჩვენ მიგვეღო ცვლილებები „ავღანური მოდელის“ მიხედვით და დღეს მას შემდეგ, რაც ვერც ერთი რეალური წინადადება ვერ წარმოადგინეს, ჩვენ ვუთხარით მათ, რომ რეალური წინადადება შესაძლებელია იყოს ის, რომ გაიზარდოს პროპორციული მანდატების რაოდენება, რაზეც როგორც ჩანს ისინი არ თანხმდებიან,” - განაცხადა მამუკა მდინარაძემ.

[ წყარო - http://hotnews.ge/ ]

კომენტარები
        მსგავსი სიახლეები