COVID - 19
23-12-2019 16:56

თეა წულუკიანი: ვყოფილვარ ოპოზიციის მხრიდან „Facebok“-ტროლების მსხვერპლი

თეა წულუკიანი: ვყოფილვარ ოპოზიციის მხრიდან „Facebok“-ტროლების მსხვერპლი

„არ უნდა გაგვიკვირდეს, რომ საქართველოში არსებულ უსაზღვრო თავისუფლების ფარგლებში, ინდივიდი, რომელიმე ორგანიზაცია თუ პოლიტიკური პარტია სოციალურ ქსელს იყენებდეს, რათა საკუთარი არგუმენტები გააცნონ საზოგადოებას“, - ამის შესახებ საქართველოს იუსტიციის მინისტრმა თეა წულუკიანმა ჟურნალისტებს განუცხადა.



ამ კომენტარით თეა წულუკიანი ფეისბუქ-გვერდებთან დაკავშირებით ატლანტიკური საბჭოს კვლევას გამოეხმაურა.



„გულწრფელად გეტყვით, რომ არ არის ცნობილი ჩემთვის ამგვარი ანგარიშებისა და ტროლების შესახებ, თუმცა არის ცნობილი იმის შესახებ, რომ მაგალითად, არ ვიცი, ვის მიერ შექმნილი ტროლები თუ ფეიკ-ეგრედ წოდებული ანგარიშები, მაგალითად მიზანმიმართულად ბოლო შვიდი წლის მანძილზე ეწეოდნენ ხოლმე იუსტიციის სამინისტროს საქმიანობის დისკრედიტაციას. ალბათ არ უნდა გაგვიკვირდეს, რომ იმ უსაზღვრო თავისუფლების ფარგლებში, რომელიც საქართველოშია ( ეს არის ძალიან მისასალმებელი და კარგი), სოციალურ ქსელს ყველა, იქნება ეს ინდივიდი, რომელიმე ორგანიზაცია თუ პოლიტიკური პარტია იყენებდეს, რათა საკუთარი არგუმენტები გააცნონ საზოგადოებას.



ვყოფილვარ ოპოზიციის მხრიდან „ფეისბუქზე“ ამგვარი ტროლების მსხვერპლი. კარგია, რომ „ფეისბუქი“ ამაზე მუშაობს და ალბათ მომავალშიც დასჭირდება არა მხოლოდ საქართველოში, არამედ როგორც ვნახეთ, ამერიკის შეერთებულ შტატებშიც და სხვა ქვეყნებშიც ამგვარი ქმედება“ ,- განაცხადა თეა წულუკიანმა.



მინისტრის განმარტებით, ტროლებთან დაკავშირებით ინფორმაცია არ აქვს.



„გავეცანი და არ მაქვს ინფორმაცია ანგარიშებთან დაკავშირებით. არ მაქვს ინფორმაცია ტროლებთან დაკავშირებით. ეს წავიკითხე, მაგრამ ფეიკებთან დაკავშირებით არ მაქვს ინფორმაცია. არ მგონია, რომ რაიმე ტიპის უხერხულობა არსებობს, რადგან დღეს პარლამენტის თავმჯდომარე ბრძანებდა, მთავარი ტროლები ქუჩაში არიან და ბოკერიები და სხვები, მათი ბელადი, რომელიც საზღვარგარეთ არის ცდილობენ, თქვენ, საზოგადოებას, მოგყიდონ ტყუილი. ჯობია, ეს გააშუქოთ და ამაზე ისაუბროთ. „პანდას“ შესახებაც შევიტყვე მას შემდეგ, რაც ,,პანდამ“ აღშფოთებული საჯარო განცხადება გამოაქვეყნა“, - განაცხადა თეა წულუკიანმა.

[ წყარო - http://www.reportiori.ge/ ]

კომენტარები
        მსგავსი სიახლეები