COVID - 19
23-12-2019 17:38

პატიმრობაში მყოფი ზუგდიდის მერი რესტორანში ქეიფობს

პატიმრობაში მყოფი ზუგდიდის მერი რესტორანში ქეიფობს

ზუგდიდის ყოფილი მერი, ლაშა გოგია, რომელსაც 2 წელი პატიმრობა აქვს მისჯილი, დიდი ოდენობით ქრთამის აღებისთვის, თავის მეუღლესთან ერთად რესტორანში იმყოფება.

ლაშა გოგია რამდენიმე საათის წინ, მუნიციპალიტეტის ვიცე-მერის გიგა ფარულავას ძმისშვილის ნათლობაზე მეუღლესთან ერთად ზუგდიდის ერთ-ერთ რესტორანში გამოჩნდა. შესაბამის ფოტომასალას ლაშა გოგიას მეუღლე ნანა თოდუა „ფეისბუქის“ საკუთარ გვერდზე ავრცელებს.

გრძელვადიანი პაემნები ოჯახში, კანონით დაშვებულია, თუმცა აღნიშნული უფლებით ყველა პატიმარი ვერ სარგებლობს.

„პრაიმტაიმის“ ინფორმაციით გია გულორდავა, რომელიც ლაშა გოგიასთან ერთად დააკავეს, ზუგდიდში, საკუთარ სახლში იმყოფება.

სპეციალური პენიტენციური სამსახურის განმარტებით, უქმე დღეებში ციხის დატოვების უფლებით სარგებლობენ დაბალი ან საშუალო რისკის მქონე პატიმრები, რომელთა მოსახდელი სასჯელის ვადა ერთ წელს არ აღემატება. ზუგდიდის მერი და ვიცე-მერი განსაკუთრებით დიდი ოდენობის ქრთამის აღების ფაქტზე შარშან, ნოემბერში დააკავეს.

ავტორი: თეა შონია
[ წყარო - https://www.primetime.ge/ ]

კომენტარები
        მსგავსი სიახლეები