COVID - 19
07-01-2020 18:27

პატრიარქი - ყველაფერი უნდა გავაკეთოთ, რომ შევინარჩუნოთ ჩვენი ტრადიციები, სიყვარული, თავმდაბლობა და ხალხი იყოს ბედნიერი

პატრიარქი - ყველაფერი უნდა გავაკეთოთ, რომ შევინარჩუნოთ ჩვენი ტრადიციები, სიყვარული, თავმდაბლობა და ხალხი იყოს ბედნიერი

ყველაფერი უნდა გავაკეთოთ იმისთვის, რომ ხალხი ბედნიერი იყოს, – ამის შესახებ სრულიად საქართველოს კათოლიკოს-პატრიარქმა, ილია მეორემ საპატრიარქოსთან განაცხადა, სადაც ალილოს მსვლელობის მონაწილეები მივიდნენ.

პატრიარქმა მსვლელობის მონაწილეებს შობის დღესასწაული მიულოცა და საშობაო საჩუქრები გადასცა.

„გილოცავთ ქრისტეშობის დღესასწაულს. ქრისტეშობა ეს არის ბედნიერება, ეს არის ფერისცვალება, ეს არის სულიერი ამაღლება, დღეს აქ გადმოდის იესო ქრისტეს სახით დედამიწაზე.

ჩვენ ყველაფერი უნდა გავაკეთოთ, რომ შევინარჩუნოთ ჩვენი ტრადიციები, სიყვარული, თავმდაბლობა და ყველაფერი უნდა გავაკეთოთ იმისთვის, რომ ხალხი ბედნიერი იყოს. ყველას გილოცავთ, დალოცვილი იყავით და გაიხარეთ“, – აღნიშნა პატრიარქმა.

ალილოს მსვლელობა დღეს პირველი რესპუბლიკის მოედნიდან დაიწყო და სამების ტაძარში დასრულდა.

წყარო 1tv

კომენტარები
        მსგავსი სიახლეები