COVID - 19
24-01-2020 21:18

ახალგორში მცხოვრები პენსიონერებისთვის „გამშვები პუნქტი“ გაიხსნა

ახალგორში მცხოვრები პენსიონერებისთვის „გამშვები პუნქტი“ გაიხსნა

დე ფაქტო რეჟიმმა ოკუპირებულ ახალგორში მცხოვრებ პენსიონერებს საქართველოს ხელისუფლების კონტროლირებად ტერიტორიაზე პენსიის ასაღებად გადასვლის უფლება მისცა. ადგილობრივების თქმით, უკან დასაბრუნებლად ათდღიანი ვადა მისცეს. მიკროავტობუსი, რომელსაც პირველ ეტაპზე 10 პენსიონერი გადაჰყავს, სოფელი ოძისი უკვე დატოვა და წეროვანისკენ გაემგზავრა.

პენსიოენერებს საქართველოს კონტროლირებად ტერიტორიაზე გადასვლა იმ შემთხვევაში შეუძლიათ, თუ სპეციალური საშვები აქვთ. ოკუპირებული ცხინვალის რეგიონში რეგისტრირებულია 150 პენსიონერია, მათგან მხოლოდ ახალგორში 72 პენსიონერი ცხოვრობს.

სპეციალური საშვი გუშინ საღამოს მონაცემებით 30-მდე პენსიონერს ჰქონდა აღებული, დანარჩენ პენსიოერებზე კი, არსებული ინფორმაციით, საშვები დღეს დაჩქარებული წესით გაიცემა და მხოლოდ ამის შემდეგ გაიხსნება ე.წ. გამშვები პუნქტი.

სამშაბათიდან კი ე.წ. გამშვები პუნქტი ისევ ჩაიკეტება და იმ პენსიონერებს, ვინც ახლა ვერ შეძლებს საქართველოს კონტროლირებად ტერიტორიაზე გადმოსვლას, ამის შესაძლებლობა მხოლოდ ორი თვის შემდეგ ექნება.

ახალგორის გამშვები პუნქტი 4 სექტემბრის შემდეგ არის ჩაკეტილი. ცხინვალის დე ფაქტო მთავრობის თქმით, ის ჩაკეტილი იქნება, ვიდრე ქართული მხარე სოფელ ჩორჩანადან საპოლიციო საგუშაგოს არ აიღებს. ამ პერიოდის განმავლობაში გამშვები პუნქტი მხოლოდ მძიმე ავადმყოფებისთვის რამდენჯერმე გაიხსნა.

თავდაპირველად ვრცელდებოდა ინფორმაცია, რომ ოკუპირებული ცხინვალის უშიშროების საბჭოს ორი დეკემბრის გადაწყვეტილებით, ახალგორის გამშვებ პუნქტს პენსიონერებისთვის ხუთი დღით გახსნიდა.

[ წყარო - https://imedinews.ge/ ]

კომენტარები
        მსგავსი სიახლეები