COVID - 19
29-01-2020 16:03

ასლან ბჟანია ქართულ-აფხაზური დიალოგის საჭიროებაზე კიდევ ერთხელ საუბრობს [იხ. ვიდეო]

ასლან ბჟანია ქართულ-აფხაზური დიალოგის საჭიროებაზე კიდევ ერთხელ საუბრობს [იხ. ვიდეო]

კიდევ ერთი გზავნილი ოკუპირებული აფხაზეთიდან. დე ფაქტო რესპუბლიკის პრეზიდენტობის გამოკვეთილმა პრეტენდენტმა ასლან ბჟანიამ ინტერვიუში ქართულ-აფხაზური დიალოგის საჭიროებაზე კიდევ ერთხელ ისაუბრა. აფხაზეთის ოპოზიციის ლიდერმა დიალოგი სეპარატისტული რეჟიმის პირველი ლიდერის ვლადიმერ არძიმბას ციტატით დაიწყო და აღნიშნა რომ აფხაზური მხარე საქართველოს ხელისუფლებასთან შესახვედრად ყოველთვის მზად იყო.


აფზახური მედიისთვის მიცემულ ინტერვიუში ასლან ბჟანიამ განაცხადა, რომ საქართველოს ხელისუფლების მხრიდან აფხაზეთში მცხოვრები მოსახლეობისთვის უფასო სამედიცინო დახმარების გაწევას მიესალმება. ოკუპირებული რეგიონის პრეზიდენტობის კანდიდატმა ყურადღება ეკონომიკურ უთიერთობებზეც გაამახვილა.


ასლან ბჟანიას განცხადებას მიესალმებიან ,,პატრიოტთა ალიანსშიც“. საქართველოს პარლამენტის ეთნიკურად აფხაზი დეპუტატი, ადა მარშანია ბჟანიას გზავნილებს სასიხარულო სიგნალს უწოდებს და აღნიშნავს, რომ პირდაპირი დიალოგის აუცილებლობის შესახებ საკუთარ თანაგუნდელებთან ერთად წლებია საუბრობს.

ასლან ბჟანიას გზავნილები განსხვავებულად აღიქვეს პოლიტოლოგებმა. ექსპერტთა ნაწილის აზრით ოპოზიციონერი კანდიდატის მხრიდან გაკეთებული მსგავსი განცხადებები წინასაარჩევნო კაპანიის ნაწილია. ანალიტოკოსთა მეორე ნაწილის აზრით კი ასლან ბჟანიას ინტერვიუ დამაიმედებელია და ჯერი ახლა საქართველოს ხელისუფლებაზეა, თუ როგორ გამოიყენებს ოფიციალური თბილისი დე-ფაქტო სოხუმში მომწიფებულ პოზიციებს.


[ წყარო - https://www.obieqtivi.info/ ]

კომენტარები
        მსგავსი სიახლეები