COVID - 19
30-01-2020 22:26

ირმა ინაშვილმა ორბელიანის მოედანზე შეკრებილ მოსახლეობას პარტიის მიერ შემუშავებული კითხვარის შევსების მეთოდები გააცნო

ირმა ინაშვილმა ორბელიანის მოედანზე შეკრებილ მოსახლეობას პარტიის მიერ შემუშავებული კითხვარის შევსების მეთოდები გააცნო

„პატრიოტთა ალიანსი“ დღეიდან დედაქალაქის მოსახლეობის აზრის გასაგებად მასშტაბურ გამოკითხვას იწყებს. დილიდან, პარტიის გენერალური მდივანი ირმა ინაშვილი ორბელიანის მოედანზე მისულ მოქალაქეებს თავად დახვდა და პატრიოტების მიერ შედგენილი კითხვარის შევსების მეთოდები გააცნო.

როგორც პარტიის ლიდერმა აღნიშნა, სქართველოს უახლოეს ისტორიაში ყველაზე მაშტაბური გამოკითხვა ორი თვის მანძილზე გაგრძელდება და მასში მონაწილეობას მილიონი თბილისელი მიიღებს. პატრიოტებს მოსახლეობასთან სამი შეკითხვა აქვთ, რას ფიქრობენ დედაქალაქელები სამხედრო მიუმხრობლობის თემაზე, როგორია მათი განწყობა პოლიტიკური პარტიების მიმართ და სარგებლობს თუ არა მათი ნდობით NDI და IRI.


„პატრიოტთა ალიანსმა“ მილიონი ადამიანის გამოკითხვის გადაწყვეტილება ბოლო დროს ქვეყანაში განვითარებული პროცესების გამო მიიღო. ირმა ინაშვილი ამბობს, რომ ეროვნულ დემოკრატიული ინსტიტუტის კვლევები საზოგადოების აზრის არასწორ ფორმირებას ემსახურება და საერთაშრისო ორგანიზაცია სააკაშვილ- ბოკერიას პარტიებს ლობირებს. რაც შეეხება სამხედრო მიუმხრობლობის თემას, პარლამენტის ვიცე-სპიკერი აღნიშნავს, რომ საქართველოს გეოპოლიტიკური მდებარეობიდან გამომდინარე, ეს საკითხი ქვეყნისთვის სასიცოცხლოდ მნიშვნელოვანია.


დაქალაქის მოსახლეობის საყოველთაო გამოკითხვის მედიამხარდაჭერი ტელეკომპანია „ობიექტივი“ იქნება. რადგან ზოგიერთი საერთაშორისო ორგანიზაცია მნიშვნელოვან თემებთან დაკავშირებით საზოგადოებას არასწორ ინფორმაციას აწვდის, ტელევიზიის როლის გათვალისწინებით „ობიექტივმა“ მოსახლეობის აზრის ობიექტურად გაშუქება გადაწვიტა.



ორბელიანის მოედანზე შეკრებილმა „პატრიოტთა ალიანსის“ მხარდამჭერებმა კითხვარები ადგილზე შეავსეს. ყოველდღიურად თბილისის სხვადასხვა უბანში გაგრძელდება საინფორმაციო კამპანია და მოსახლეობას საშუალება მიეცემა ადგილზე შეავსოს გამოკითხვის ანკეტა.

[ წყარო - https://www.obieqtivi.info/ ]

კომენტარები
        მსგავსი სიახლეები