COVID - 19
12-02-2020 02:02

ვახტანგ გომელაური: არასრულწლოვნების გამოკითხვას ფსიქოლოგები დაესწრებიან

ვახტანგ გომელაური: არასრულწლოვნების გამოკითხვას ფსიქოლოგები დაესწრებიან

შს მინისტრ ვახტანგ გომელაურის განცხადებით, ქალაქის სამმართველოში მზადდება ფლიგელი, სადაც გამომძიებლები მარტო არასრულწლოვნებთან იმუშავებენ. ის პირველი აპრილიდან გაიხსნება.

როგორც ვახტანგ გომელაურმა ტელეკომპანია "იმედის" ეთერში გადაცემა "SWOT ანალიზში" სტუმრობისას განაცხადა, შემდგომი პრობლემების თავიდან ასაცილებლად ყველა დასაკითხი ოთახი აღიჭურვება კამერებით.



"ბევრი ახალი პროექტი გაკეთდა ჩვენთან სამინისტროში. იქმნება სპეციალიზებული, საერთაშორისო გამოცდილებით გათვალისწინებული ევროპული სტანდარტის ოთახები.

ოთახები იქნება კამერით აღჭურვილი, რაც ეცნობება იმ კონკრეტულ პირსაც, რომ შემდეგ, რამე პრობლემა არ შეიქმნას. იქ იქნებიან გამომძიებლები, რომლებიც მარტო მოზარდებზე იმუშავებენ და აუცილებლად ფსიქოლოგებიც. თუ მოითხოვს მშობელი დაესწროს ფსიქოლოგიც, გააჩნია წლოვანებას, ის დაესწრება არასრულწლოვნების გამოკითხვას. ეს თემა, ძალიან დიდი წინგადადგმული ნაბიჯია და ძალიან კარგი იქნება, რაც ჩვენ ჯერჯერობით არ გვაქვს. გახსოვთ რა მოხდა, სამწუხაროდ, სირაძის შემთხვევაში, სხვადასხვა გამომძიებელი იჯდა ოთახში და გვიწევს არასრულწლოვანის ასეთ განყოფილებაში მიყვანა, რადგან ცალკე მათთვის გაკეთებული ოთახი არ გვაქვს. ეს პროექტი ბატონი გიორგი გახარიას დროს დაიწყო, როცა შს მინისტრი იყო. ამას რა თქმა უნდა ვაგრძელებთ და დავამთავრებთ. ეს არასრულწლოვნებისთვისაც ძალიან მნიშვნელოვანი თემაა", - განაცხადა ვახტანგ გომელაურმა.

[ წყარო - http://reportiori.ge/ ]

კომენტარები
        მსგავსი სიახლეები